27.07.2013
新的興趣 – 潛水
Leo 的朋友叫我們一起學潛水。 雖然懂得游水多年，但一想到完全被海水包圍，還是有點害怕。 但一想到，如果我不學，那麼之後 Leo 去玩就無我份，所以最終也決定一試！ 因為有朋友有潛水教練牌，所以我們很快便開始上課，一切從理論開始……
05.07.2013
外出午膳好處多
好多人食完飯都會有飯氣攻心的情況，好眼瞓!! 晚飯之後眼瞓，大不了早啲瞓。但係 lunch 就有啲難攪! 曾經有朋友同我講過，只要午餐時，唔食任何 carbohydrates (碳水化合物) ，飯氣攻心情況就不會那麼嚴重! 但係唔食，好快餓! 所以呢個方法，我覺得唔 work! 我就會選擇出去食飯，唔留響公司食，順便四圍行下先再開工! 當做埋運動都好! 今日睇雜誌，睇到一篇 article ，原來外出午膳仲有以下好處: 1)…
03.07.2013
我的慘痛經歷! 大家記得要 back up 呀!!!
之前個 server down 咗，無曬我的所有 post!! 我不知幾咁傷心!! 後來有朋友提點我上網 copy 番我之前的 post。 不過我只可以搵番啲文字，無曬啲相! 都好過無! 好彩相片我有留底，如果唔係就更加慘了!! 不過我要重新再 post 番我之前的 post…
26.04.2012
Naruko – Narcissus Repairing Make-up Removing Cleansing Mousse 【水仙】修護洗卸兩用慕絲
一直以來都認為卸妝油才可以徹底溶掉我面上的化妝品，但有日經過見到呢支洗卸兩用慕絲。 Nanuko 呢個品牌又係台灣美容教主牛爾老師研發而成，好有興趣試一試它！ 點知原來它的卸妝效果真的很不錯，大家睇下我以下的分享啦： 首先，我將平時用開的 eye shadow 塗在我的手背上 呢個卸妝 Mousse 同弓一般卸妝油一樣，都係要乾手乾面時使用的。 按了一下，就已經夠多泡泡。 將卸妝 Mousse 慢慢磋開，就會慢慢變番卸妝油 一樣，好快就溶咗啲化妝品。 再按摩多幾下， eye…
24.04.2012
甜心良品 Sugar Ma Ma
今晚係元朗晚飯後，大家都想食甜品。就發現了一間新開的甜品店，叫「甜心良品 Sugar Ma Ma」。 有新野當然要去試一試啦！！因為我地有幾個人，可以試多幾樣野： 香蕉心太軟+薄荷朱古力雪糕 朱古力心太軟+芝麻雪糕 朱古力心太軟+草莓雪糕 還有唔少得我鍾意食嘅法式燉蛋。 食完大家都好滿足，點知店主仲送咗幾杯荔枝茶俾我地。真係正到暈呀。
24.04.2012
深水埗 – 維記豬潤麵
今日同honey路過深水埗，點知遇到超大雨，濕咗半個身。 只係睇對腳，已經濕到去膝頭哥，勁無奈! 見唯記無咩人，即刻入去食啲嘢，暖下個身先! 食呢個豬潤餐肉麵，好似比豬潤麵無無咁漏，所以我依家都經常叫呢個! 當然唔少得 honey 鍾意食嘅咖央多士啦! 不過另一個我同 comprare cialis深水埗必去嘅地方未必人人都知嘅….就係人和荳品廠啦! 佢啲荳腐花同煎釀荳腐真係好味到不得了，有機會大家都要去試下!! 不過大家黎到嘅時候，記得要比少少耐性，因為鋪頭細細，經常都係好多人!
04.10.2011
2011年台中之旅 – Day 6
轉眼便到了旅程最後一日啦！ 今日第一個行程係去 Art Center，入面啲展品好靚架，大家有時間都去睇下啦！ 行完 Art Center 之後，我們過咗對面馬路的 “Mocha Jane’s Cafe” 坐下。 黎到cafe，當然要試下他們的咖啡及甜點啦！ 咖啡的賣相不錯吧！另外，我們還叫了一客三文治。 這裡的咖啡及食物都好好味，大家有機會都要來去試一試啊！ 食飽後，我們就到附近的公園行下。 這兒的公園不算好大，但環境影相真是一流！ 我求其影都可以咁靚！…
03.10.2011
2011年台中之旅 – Day 5
今次住呢間民宿，以青蛙做主題，周圍都有好多青蛙擺設。 我們的青蛙吹波波也有一起合照呢！最後，我們還將呢樽吹波波送了給民宿老闆呢！ 除了室內，室外都有好多青蛙擺設架。 民宿主人話，有些青蛙收藏品是他們客人送給他的。所以如果你們都想去住一下，可以考慮送青蛙物品給民宿主人啊！ 呢間民宿還有一隻好親人的黑貓。佢好快同 Leo friend 咗。仲自己爬上Leo大脾瞓覺！ 唔知貓貓係咪知道我地要走了，所以唔捨得我地呢！！ 離開民宿之後，我們去了參觀附近一間紙教堂。不過要先買票啊！ 離遠睇間紙教堂，一點也不像用紙造的！ 入面都整得好靚架！仲有好多環保設計。 不過紙教堂入面所有裝修都好簡約。感覺都好舒服！ 不知是否快要下雨，出面的水池有好多紅色的蜻蜒。香港好少見，另外呢啲紅色蜻蜒好似唔太怕人咁，所以我地都幫牠們影咗好多大特寫。 還有另外一種品種，有些不同的呢！ 好彩牠們都不怕人，所以我們才可拍到咁靚的照片！ 除了紅色蜻蜒，Leo 仲影到藍色蜻蜒呢！…
02.10.2011
2011年台中之旅 – Day 4
轉眼便到了行程第4日，今日我們便要落山啦！我們會轉去住另外一間民宿。 自駕遊有個好處，去到邊見到靚景，都可以隨時停下來拍照才繼續行程。 我們今天落山時就係見到個靚景，我們又揾到位泊車，所以就影埋相先走！ 係咪好靚呢！ 影完相，我們便向今晚住嘅民宿駛去。 呢間民宿是位於蒲里的。 今次我們住的是六人房，間房真係好大！ 唔止間房大，個洗手間都好大！好誇張！有個好大的按摩浴缸，還有按摩花洒呢！ 如果夏天一家大細來住，記得要帶埋泳衣來玩水呀！ 房外面仲有個位置俾大家飲下茶，享受一下被大自然包圍著！ 我們放低行李後不久，便出發坐船去「日月潭」啦！ 我們坐的，便是這架船。船程不長，好快就到。 好可惜，我們到達日月潭時，一直都在下雨！ 天色雖然有些暗，但景色都係靚嘅！ 我第一次去日月潭，發現當地有好多貓頭鷹的紀念品。好多都好精緻，好靚！ 就係因為在日月潭買了貓頭鷹擺設，我便開始了我的貓頭鷹物品收集啦！下次有機會再同大家分享下我的收集物品啦！ 晚上食過晚飯後，我們便回去民宿了。因為民宿主人幫我們安排咗特別的節目。 你地睇下民宿個夜景都幾靚！…
01.10.2011
2011年台中之旅 – Day 3
台中之旅第三日，我們去參觀「清境農場」。 我們住在山上，就係因為想住近些「清境農場」，方便我們去參觀。 今日天氣好好呀，最適合戶外活動。 我們泊好車之後，我們就入內參觀啦！ 經過咗個環保餐廳之後不久，就會見到這個湖。你們睇下，真係幾靚架。 買清境農場入場卷時，送咗幾張消費卷給我們。因為唔知買咩好，所以就買咗呢個好可愛的青蛙造形的吹波波。 見到咁大空間，當然要玩下才走吧！ 我們真係童心未泯！ 湖中間有個風車，都幾靚架！拍照境點真多啊！ 沿住個湖仲種咗好多花，雖然有些蜜蜂，不過環境真係幾靚！ 我們沿住個湖行咗一圈，大約30分鐘左右就行完。 我們還見到湖邊有天鵝及鴨仔。你們覺得可愛嗎？ 之後我們行咗去農場另一邊，見到個大草地，仲有好多人呢！ 原來大家都來等睇表演。我們當然都有跟著一齊等啦！ 原來大家在等著欣賞羊群表演。啲羊好乖、好可愛啊！ 個表演大約30分鐘就完，之後我們繼續四圍行下，山景真係一流！當然要影多幾張相啦！ 即刻攞我地帶去旅行的公仔「禪獅」及「北極熊」出黎影相先！ 呢到好大風，好難先可以令佢地坐定定影相呢！哈哈………