Category: 去玩去癲

今次住呢間民宿，以青蛙做主題，周圍都有好多青蛙擺設。 我們的青蛙吹波波也有一起合照呢！最後，我們還將呢樽吹波波送了給民宿老闆呢！ 除了室內，室外都有好多青蛙擺設架。 民宿主人話，有些青蛙收藏品是他們客人送給他的。所以如果你們都想去住一下，可以考慮送青蛙物品給民宿主人啊！ 呢間民宿還有一隻好親人的黑貓。佢好快同 Leo friend 咗。仲自己爬上Leo大脾瞓覺！ 唔知貓貓係咪知道我地要走了，所以唔捨得我地呢！！ 離開民宿之後，我們去了參觀附近一間紙教堂。不過要先買票啊！ 離遠睇間紙教堂，一點也不像用紙造的！ 入面都整得好靚架！仲有好多環保設計。 不過紙教堂入面所有裝修都好簡約。感覺都好舒服！ 不知是否快要下雨，出面的水池有好多紅色的蜻蜒。香港好少見，另外呢啲紅色蜻蜒好似唔太怕人咁，所以我地都幫牠們影咗好多大特寫。 還有另外一種品種，有些不同的呢！ 好彩牠們都不怕人，所以我們才可拍到咁靚的照片！ 除了紅色蜻蜒，Leo 仲影到藍色蜻蜒呢！…

轉眼便到了行程第4日，今日我們便要落山啦！我們會轉去住另外一間民宿。 自駕遊有個好處，去到邊見到靚景，都可以隨時停下來拍照才繼續行程。 我們今天落山時就係見到個靚景，我們又揾到位泊車，所以就影埋相先走！ 係咪好靚呢！ 影完相，我們便向今晚住嘅民宿駛去。 呢間民宿是位於蒲里的。 今次我們住的是六人房，間房真係好大！ 唔止間房大，個洗手間都好大！好誇張！有個好大的按摩浴缸，還有按摩花洒呢！ 如果夏天一家大細來住，記得要帶埋泳衣來玩水呀！ 房外面仲有個位置俾大家飲下茶，享受一下被大自然包圍著！ 我們放低行李後不久，便出發坐船去「日月潭」啦！ 我們坐的，便是這架船。船程不長，好快就到。 好可惜，我們到達日月潭時，一直都在下雨！ 天色雖然有些暗，但景色都係靚嘅！ 我第一次去日月潭，發現當地有好多貓頭鷹的紀念品。好多都好精緻，好靚！ 就係因為在日月潭買了貓頭鷹擺設，我便開始了我的貓頭鷹物品收集啦！下次有機會再同大家分享下我的收集物品啦！ 晚上食過晚飯後，我們便回去民宿了。因為民宿主人幫我們安排咗特別的節目。 你地睇下民宿個夜景都幾靚！…

台中之旅第三日，我們去參觀「清境農場」。 我們住在山上，就係因為想住近些「清境農場」，方便我們去參觀。 今日天氣好好呀，最適合戶外活動。 我們泊好車之後，我們就入內參觀啦！ 經過咗個環保餐廳之後不久，就會見到這個湖。你們睇下，真係幾靚架。 買清境農場入場卷時，送咗幾張消費卷給我們。因為唔知買咩好，所以就買咗呢個好可愛的青蛙造形的吹波波。 見到咁大空間，當然要玩下才走吧！ 我們真係童心未泯！ 湖中間有個風車，都幾靚架！拍照境點真多啊！ 沿住個湖仲種咗好多花，雖然有些蜜蜂，不過環境真係幾靚！ 我們沿住個湖行咗一圈，大約30分鐘左右就行完。 我們還見到湖邊有天鵝及鴨仔。你們覺得可愛嗎？ 之後我們行咗去農場另一邊，見到個大草地，仲有好多人呢！ 原來大家都來等睇表演。我們當然都有跟著一齊等啦！ 原來大家在等著欣賞羊群表演。啲羊好乖、好可愛啊！ 個表演大約30分鐘就完，之後我們繼續四圍行下，山景真係一流！當然要影多幾張相啦！ 即刻攞我地帶去旅行的公仔「禪獅」及「北極熊」出黎影相先！ 呢到好大風，好難先可以令佢地坐定定影相呢！哈哈………

台中第二日我地自去咗個好特別嘅酒廠。 佢最特別就係佢有啲好色彩繽紛嘅酒桶。 酒桶後面仲有樓梯，可以行上個酒桶頂到影相。 行完酒廠，就差不多夠鐘去攞車啦！ 呢架就係今次我地自駕遊租用嘅8人車啦！我地6個人坐好鬆動，剛剛好！ 因為擔心交通情況，所以取車後，我們便準備上山，早啲出發去我們於山上預訂的民宿休息。 初時上山，啲路都唔係好斜，後來啲路就好多彎。所以去到中途，我地就去便利店買嘢飲，順便俾我地今程司機 Leo 休息下。 山上啲風景好靚，你地睇下！ 休息過後，我們便繼續我們的路程。好快，我地就去到民宿啦！ 外觀都幾靚吧！ 入內登記時，我們就坐在餐廳位置等候。早上我們就在這裡食早餐架啦！ 由餐廳位置望出去，對面就是農田。 對住個咁靚的風景食早餐，唔知會唔會食多啲呢！ 登記完，屋主就帶我們去房間了。 我們就住在這裡，屋外還有個草地，真係好靚。夠哂田園 feel…

呢個旅程係我們第一次的自駕遊，真係未出發，先興奮呀！！ 我們一行六人買咗晨咁早出發嘅機票，諗住爭取時間早啲去到台灣食嘢。 點知一起身，香港仲掛緊8號風球，出面橫風橫雨，我們只可以坐機鐵去機場。 去到機場 check in，班機都係按時出發。我地仲要坐接駁巴士上機。睇到呢張相，見到個空姐咁狼狽就知個風幾利害啦！ 上到機上，望出窗外，望到出面橫風橫雨，都擔心是否安全。 因為機長都有廣播，告訴我們由於天氣問題，前面的航班都 delay 了。 大家見到外面情况咁差，都靜靜坐著，耐心等候。我地仲見到其他飛機一齊排隊等起飛。 結果我們等了一個小時左右，便順利起飛了！YEAH！ 上到半空，外面天氣即時穩定得多。 轉眼就到達台灣，呢邊天氣勁好，同香港真係好大對比。 我地攞完行李第一時間先去酒店擺低，然後即刻出去揾食！ 第一間就去咗試呢間「阿水獅」 呢間食豬腳好出名，我地即刻叫咗幾隻試下。 佢地除咗豬腳，仲有根腩及豬肚。全部都好入味，又重膠質，感覺好美顏！…

今日繼續講麗江，就由松贊林寺開始啦!! 如果大家都未有機會去西藏，可以考慮去松贊林寺到睇吓先!! 雖然只係一個mini版，但係都真係一個好去處。 其實松贊林寺都有好多人去架，你地睇吓啲煙火就知啦!! 有好多當地人同遊客去拜!! 當地人著啲衫仲好鮮艷，好有鄉村嘅感覺!! 但係可能因為多人去，所以有好多小朋友四圍走同人景相，然後過黎同你收錢。 我就真係好討厭呢啲。 不過好多大陸嘅景點都係咁，真係無辦法啦!! 另外我仲響松贊林寺影咗張好似。「向世界出發」嘅相，唔知你地覺唔覺呢?? 哈哈!! 唔知你地like唔like呢?? 另一個推介景點係依拉草原+納帕海，又係騎馬嘅活動。 但係如果唔騎馬，真係無可能行得完，因為佢地方又真係好大!! 不過我地都無去哂上面地圖嘅所有地方。因為我地到達當日已經三、四點啦，所以只係去咗1個地方。 因為冬天，好早天黑，所以都無可能去得哂啲地方! 但係根據嗰個拉住我隻馬行嘅人解釋，呢條河好神聖架，啲人過咗身之後，就將啲骨灰曬落呢條河。 當地嘅人都係咁做。不過雖然係咁，但係呢個地方真係一啲恐怖嘅感覺都無架!!…

回想番兩年前都係一月去麗江，真係一個好靚嘅地方。 特別係麗江古城入面，好有鄉村風味。 點樣影相都好靚!! 我當時仲影咗好多相，今日就同大家分享吓!! 呢個大水車響麗江古城，好多人埋去影相架!! 下面啲河水仲有好多魚架!! 啲水真係好清架!! 響麗江古城入面仲有啲牆有啲古文! 仲好有色彩潻架!! 麗江古城真係好大架!! 再加埋啲藍天同白雲真係一流!! 我地仲騎馬上茶馬古道上半山睇風景，天氣又好，真係好靚! 我就係騎呢隻馬啦!! 係咪好cute呢?? 唔講唔知呀，我怕高架，所以其實我騎馬都真係有啲驚架!! 嗰個拖馬的人仲話要帶我跑一圈，真係比佢嚇死我呀! 其實只係上山落山我都有啲驚驚地啦!! 條路都有啲崎嶇不平架!!…

一年就快過,，回顧今年最瘋狂都係去上海世博!! 我地一行五人，幾日內買到機票，話去就去!! 仲要係最多人嗰日(103萬人)，估唔到仲破埋世博歷屆單日入場人次紀錄!! 真係勁!! 四日行程，只有兩日行世博!! 只因同行有人貪心地想行哂所有館!! 所以就展開兩日摩打腳不停地行嘅走馬看花之旅!! 唔係講笑!! 有啲館我都要係回到家，睇番相先知自己曾經經過過。 有啲仲要係響我男朋友啲相到見到，當時都無留意! 真係好瘋狂…….兩日世博都行足十個鐘!! 真係好激!! 不如就同大家分享一下我部份嘅相啦!! 我地由深圳機場飛，仲要早到連機場啲燈都未開，我地就到咗! 其實係我地預多咗時間，所以早到咗! 當時機埸仲一個人都無!! 幾攪笑!! 一到上海就坐呢架磁浮!!…

已經係早兩年嘅事啦!! 但係柬埔寨真係一個幾好嘅地方。 特別係鍾意影相既人就更加要去吓!! 不過柬埔寨啲治安就唔係咁好，所以我就覺得跟團會比較安全。 柬埔寨有好多名勝古蹟都值得一去。等我同大家分享一下我去過嘅地方啦!! 第一站去咗「施漢諾親王皇宮」，雖然有遇著落雨，但係都覺得啲裝潢好靚!! 連地板都用啲有花紋嘅磚，好特別!! 佢地嘅門就更加唔簡單，係成個彿嘅圖案! 施漢諾親王皇宮穿過另一面就會見到好多白塔。行近啲睇，佢地仲起得非常仔細潻!! 中央市場好有特色。真係好多當地人去買野! 柬埔寨人都食好多香港唔會人人食嘅嘢……例如蜘蛛，仲有烏龜囉!! 真係嚇死我!!  柬埔寨都係亞熱帶地方，周圍都買到椰青，仲要好好飲潻! 不過大家真係唔好以為一個人可以飲得到一個，真係好大個架!! 又重!! 賣芒果的都好利害，可以切到一片片咁，但係又唔斷開!! 成朵花一樣，真係好心機! 另外，大家去就一定要食佢地啲龍眼。你地睇睇下面張相就知，粒粒都好大粒!!…