呢個旅程係我們第一次的自駕遊，真係未出發，先興奮呀！！

我們一行六人買咗晨咁早出發嘅機票，諗住爭取時間早啲去到台灣食嘢。

點知一起身，香港仲掛緊8號風球，出面橫風橫雨，我們只可以坐機鐵去機場。

去到機場 check in，班機都係按時出發。我地仲要坐接駁巴士上機。睇到呢張相，見到個空姐咁狼狽就知個風幾利害啦！

上到機上，望出窗外，望到出面橫風橫雨，都擔心是否安全。

因為機長都有廣播，告訴我們由於天氣問題，前面的航班都 delay 了。

大家見到外面情况咁差，都靜靜坐著，耐心等候。我地仲見到其他飛機一齊排隊等起飛。

結果我們等了一個小時左右，便順利起飛了！YEAH！

上到半空，外面天氣即時穩定得多。

轉眼就到達台灣，呢邊天氣勁好，同香港真係好大對比。

我地攞完行李第一時間先去酒店擺低，然後即刻出去揾食！

第一間就去咗試呢間「阿水獅」

呢間食豬腳好出名，我地即刻叫咗幾隻試下。

佢地除咗豬腳，仲有根腩及豬肚。全部都好入味，又重膠質，感覺好美顏！

呢到啲豬腳已經煮到好林，簡直入口即化！

我平時最怕肥膩，但呢個一啲都唔膩，只食到滿滿的膠質。

我地幾分鐘內就將呢幾碟嘢食哂，跟住就即刻轉去其化地方繼續揾嘢食。

第二間試的就係呢間「台中老牌香菇肉焿」。

呢間嘢主力sale佢個肉焿，點都要試下。

佢個肉焿我就一般，因為我一向不太喜歡啲咁杰撻撻嘅嘢，但係佢地呢個腐皮真係好好味，大家下次去都記得要試下。

食飽，就梗係要四圍行下啦！我地好近台中車站，一於去到此一遊睇下先…

因為唔係真係要坐火車，所以根本無咩嘢行。

附近有個叫「20號倉庫」的地方，我地就過去參觀下埋。

呢個地方將啲倉庫租俾唔同的藝術家，大家做的藝術作品也不一樣。

不過穿過哂啲倉庫後，我地發現一個地方可以好近咁影火車

結果我地係呢到玩咗好耐，等火車經過俾我地影相。

最終玩到差不多天黑覺捨待走。

行完，消耗咗啲體力，又係食嘢嘅時候啦！

黎到台灣，當然要去掃夜市啦！

我試咗我人生第一次食的大腸包小腸，原來好飽肚，仲要好滯下！下次都係咪攪我！

之後見到呢個粟米都好想試，排咗一陣隊都值，因為味道幾好。

最後當然要食埋甜品啦！

黎台灣當然要食珍珠啦！

食飽飽後，就返酒店休息了。第一日行程就咁就完咗啦！