早前一個朋友通知我，香港開咗間新嘅日式咖哩。 雖然我對日式咖哩嘅喜好不大。但最後都決定一試。

我個 friend 一早話咗比我知好多人食，所以我提早6:30去到等位!!

哇!! 一去到就見到好多人啦!! 攞完籌仲有時間，慢慢欣賞佢個櫥窗。

係咪好精緻呢??有無日本feel??

我地個籌205號，其實只需等3張四人檯，結果等咗足足50分鐘囉!!

一坐低就好肚餓，即刻睇吓本menu。

我就無執輸，加$20，一次過試哂佢嘅湯、沙律同甜品啦!!

佢個沙律先到。好簡單，無落沙律醬，淨係加咗小小醋! 酸酸地，幾醒胃! 跟住就到…….湯。

好似平平無奇。原來一攪就見到啲好懷舊嘅嘢……

哈哈….真係好耐無飲過字母湯啦!! 好懷念呀!! 跟住就到今日嘅主食角——–>咖哩!!

咖哩吉列豬扒蛋包飯 – 我想講!! 佢啲蛋真係好滑，個豬扒同咖哩都一般!!

芝士咖哩吉列豬扒飯 – 我就覺得啲芝士唔多夠!!

酥脆雞咖哩飯 – 啲脆雞….. ok 啦!!

焗咖哩雞肉飯 – 個焗飯細啲。大家可能要考慮加錢要多啲飯!! (好似係加$10 多100g 飯) 不過大家千其唔洗諗，就算少飯都唔可以平啲架!!

到食完哂啲咖哩，我先見到檯上有這個…..

醃蘿蔔?? 單食佢啲味就有啲唔識形容嘅味道。但係同啲咖哩一齊食又幾特別，幾好味!! 可以試試!!

最後到我認為全餐最好食嘅食物出場啦!! 就係呢杯雙球雪糕啦! 好滑!! 好好味!! 個士多啤梨雪糕仲有果肉架!!

結論: 要等咁耐，仲要食啲咁一般嘅咖哩。再加上價錢都唔平!! 至少 $70-80 一位真係有好多更好選擇。我就未必會再食。唔知大家去食過嘅朋友又有咩睇法呢??

另外我都想提一提間舖啲坐位，我同啲 friend 都覺得可以加多少少位。大家唔洗等咁耐!! 仲有啲 waitress 真係太新手，所以啲效率唔夠快囉!!