一年就快過,，回顧今年最瘋狂都係去上海世博!!
我地一行五人，幾日內買到機票，話去就去!!
仲要係最多人嗰日(103萬人)，估唔到仲破埋世博歷屆單日入場人次紀錄!!
真係勁!!
四日行程，只有兩日行世博!! 只因同行有人貪心地想行哂所有館!!
所以就展開兩日摩打腳不停地行嘅走馬看花之旅!!
唔係講笑!! 有啲館我都要係回到家，睇番相先知自己曾經經過過。
有啲仲要係響我男朋友啲相到見到，當時都無留意!
真係好瘋狂…….兩日世博都行足十個鐘!! 真係好激!!
不如就同大家分享一下我部份嘅相啦!!
我地由深圳機場飛，仲要早到連機場啲燈都未開，我地就到咗!
其實係我地預多咗時間，所以早到咗!
當時機埸仲一個人都無!! 幾攪笑!!
一到上海就坐呢架磁浮!! 佢最高去到300 mph，超快!!
只需7分鐘就到市中心!! (如果唔坐磁浮列車，普通列車要45分鐘先到市中心)
到達市中心就要轉坐地鐵去我地book咗嘅青年旅社。
一買飛先知原來啲飛都有好好設計過架!!
係咪好精美呢!!
放低哂啲行李第一件事就要去買世博入場卷!!
好順利就買到啦!! 好興奮!!
係喎，之前講到我地行世博，日日行十個鐘以上。
可能大家都唔知世博會場有幾大!!
世博會場分開A,B,C,D及E區，分佈係黃浦江兩岸。
我相信每個區之間的距離都有香港兩至三個地鐵站咁遠!! 唔係講笑，真係行到腳軟…..
講番入場時候(最多人，有103萬人當日)。
一入去見到有呢啲打蛇餅設施無用，仲以為無咩人!!
再行入啲就見到一大班人，真係唔知條龍響邊!!
只好跟住前面，有位就向前行!! 真係一片混亂!!
不過經過哂安檢之後就好啲，唔洗咁迫!!
但係入場雖然辛苦，但係都大開眼界! 好多館都起得好靚!
最可惜係無時間慢慢睇!
不如就比啲我認為靚啲嘅館大家睇下啦! 有啲日頭睇唔靚，晚上著咗燈就正嘅館，我會放埋一齊! 你地好好欣賞啦!!
<國家電網館>
<石油館(日)>
呢個石油館到晚上真係不得了，佢成個館都著燈，仲要不停轉顏色架!
<石油館(夜)>
佢側邊都會不停轉色!! 現場睇真係好靚架!!
<船舶館(日)>
船舶館好大，我同我honey見到都忍不住要合照!!
<船舶館(夜)>
<上海企業聯合館>
呢個上海企業聯合館日頭無咩特別，又係晚上先至靚!
<信息通信館 (日)>
又係一個日頭平平無奇!!
一到晚上又好靚!
<萬科館>
<中國航空館>
<案例聯合館>
呢個案例聯合館外牆用磚砌啲花紋!! 好花心思!!
另外佢仲有一部份案例聯合館係用舊船廠建成!! 都幾環保!!
<案例聯合館>
呢間案例聯合館都好精緻!
外牆有雕花外，入面都有好多精緻嘢睇!
仲有好靚嘅鐘!!
<上海案例館>
<馬德里館>
馬德里館外牆用竹枝做窗。夏天涼好多!!
<葡萄牙館>
三尖八角的設計。
<捷克共和國館>
<匈牙利館>
<墨西哥館>
墨西哥館特別在佢個館響地下。佢只在地面起了一個花園!! 與眾不同!!
<巴西館>
<美國館>
真係令我有點意外。美國館竟然如此簡單!!
大家係咪開始睇到悶悶地呢…..不如睇番啲多啲色彩嘅館啦!!
<突尼斯館>
<埃及館>
其實我都唔明埃及點解用黑色…..同埋嗰個唔似沙漠嘅沙丘….真係唔知點解咁設計!!
<南非館>
<阿爾及利亞館>
呢個館真係畫得靚架!! 唔係講笑!!
<安哥拉館>
<俄羅斯館>
俄羅斯館啲花紋好靚架!!每座都不同的!!
<克羅地亞館>
有風吹時，啲旗仔全部飄飄下，都好特別!!
<土耳其館>
<愛沙尼亞館>
只係用唔同國旗就做到呢個彩色效果都唔錯!!
<丹麥館>
大家見到入面啲人在做什麼嗎??
佢地響入面踏單車呀!!
<芬蘭館>
<西班牙館>
現場睇真係好宏偉!! 佢外牆嗰啲一片片我都是由藤板砌出來!
好有動感!! 好似浪一樣!!
<塞爾維亞館>
好似睇色積木砌成，好cute!!
<瑞士館>
入面有吊車坐架，不過我地都無排隊入去坐，因為真的太多人了!!
外牆咁多紅色碟唔知係咩! 好奇心之下過去一睇……
原來係太陽能LED燈!! 好環保啊!!
<德國館>
<法國館>
<英國館>
真係一個好可愛的箭豬頭!! 哈哈…..
<意大利館>
佢入面有一道凱旋門，不過又係無時間排隊入去睇，真可惜!!
<荷蘭館>
好特別的建築，好似一直向上行咁!!
接近尾聲，去到<世博軸>。因為太靚，忍唔住影咗好多相!!
後來唔知點解地下有水滲出黎，加埋倒影又唔同feel!! 又影一餐!!
行近啲之後，又忍唔住再影!!
<世博文化中心> 起到好似太空船咁!!
不過估唔到連<世博新聞中心>都係咁似太空船!!
我地當然都有去<中國館>啦!!
最後仲去埋<香港館>同<澳門館>潻!!
<澳門館>係兔仔燈籠。雖然唔知有咩意思，但係都好cute，好得意!!
唔知大家睇完啲相之後，想唔想像到我嗰兩日行咗幾多路呢!!
希望你地都鍾意啲相，咁就咩都值留哂啦!! 
Leave a Reply